Lirik Lagu Batik Jambi

<<<Intro Musik>>>

Perempuan:

Malam lah iko malam bainai sayang
Esok luso kanti besanding
Mano lah kain nan kan di pakai
Kain nan lamo idak sebanding

Laki-Laki:
Apolah pulak idak sebanding sayang
Pakaian lamo tu elok jugo
Tekabar kanti duduk besanding
Kito di rumah jangan belago

Perempuan:

Cubo la tengok tetanggo bang
Kain nyo elok bebungo-bungo
Dak bosan mato memandang
Kain besulam benang berado

Laki-Laki:
Ooiii... kalulah itu nan adik katokan
Rasonyo abang dak salah lagi
Kain tenamo tenunan seberang
Itulah dio si batik Jambi

Lk & Pr:
Buah keduduk buah belimbing... sayang
Jangan di petik di pagi hari
Nengok penganten duduk besanding
Kito beduo bebatik Jambi